作者：木心
沪语改写：冯济民
文字修正：丁迪蒙
讲述：漫真
编辑：王乙其
往期回顾：
上海勒啥地方？（1）
上海勒啥地方？（2）
上海勒啥地方？（3）
上海勒啥地方？（4）
外商来华投资，经营地产者当然要多占空间，非地产商者又为了逞威风，存心搭周围个原有建筑持反效果，以夸耀伊现代技术个优越，迭个，是殖民主义侵略心理个变种。老殖民地个人是梦想长期乃至永久占有迭块土地，所以连同宗教、法制、教育、文化，一道带进中国来，而现在个外国商贾只求期约内获得利润，根本呒没其他目的。
一味个虚张声势，新买办做了阿木林还当是搭世界接轨了。大玻璃立面、轻金属结构，勒西方已经是望而生厌个败笔，到了中国马上成为了神来之笔。本国个财团呢，领衔者侪出过洋，摩天大楼惊倒了伊拉，认定中国要现代化、非高楼大厦勿为功。但是，迭眼商业大跃进个巨型产物，内脏侪有毛病，经常要迸发出来，而且根本勿管外观个日常整洁，泥污尘垢，触目皆是——上海再要美观，除非去脱迭眼“新鲜事物”，可以讲，上海是从此勿可能再有赏心悦目个日脚了，更加难看个怪物事还会得层出勿穷。
上海人讲究穿着，搿是个传统。30年代个上海“只认衣裳勿认人”，假使忒勿像人个人着勒好衣裳，也要拨认作是借得来、偷得来个。经过长期“朴素”、“划一”个沉闷压抑之后，现在迸发出来个是千奇百怪，触目惊心，像淮海中路、四川路、海宁路，一片衣海，望过去无边无底，近看则侪是平民化劣质个拼凑，根本呒没啥个设计、精致个缝工可以言说，而且，大多数是摊贩，勿好讲伊是店，深度一到两米，挂得密密层层，顾客勒身边，摊主嚼食闲谈，旁若无人，据说一天可以卖脱一件就够伊开销了。
更加让人勿能理解个是，原来邪气有名气个老牌服装店，也弄成功迭种慵懒个怪腔调，像南京西路个“亨生”，本来是沪上一流个西服店，店堂宽敞，整饰幽雅，经理是我个老朋友，特地寻上门去，招牌虽然仍旧、门前头也像是摊位，挂满了衣物，衣物后头三夹板挡牢了。上海，我走到啥地方，伊变到啥地方，好像勒勒恶梦当中一样。
也有得日本人、香港人开个服装店，还有美、法、意个商家搭中国合资个，讲起来难以置信，伊眼衣裤、鞋帽侪勿入味，荒腔走板了，因为伊演绎到任何思想、任何主义，一进入某国，呒没勿变质个，觉着中国个民族性，实在是个老老神秘个黑洞。
上海人个“一窝蜂”，比老底子更加有得物质条件去做周旋。大冷天，女个侪者长毛皮领、皮袖口、皮下摆个大衣，侬假使例外，侬就是阿屈死，是赣大。大热天，女个腰个背后头侪装一只老老个蝴蝶结，而且还有飘带，侬假使勿装，侬就是猪头三。启蒙个先知呀，侬再有天大能耐，也解勿了介许多个蝴蝶结。
我勒上海三个号头，兜马路勿少于一百次，从来呒设看见过一个衣着得体、又有情趣个人，迭个纪录让我免了“只认衣裳勿认人”搭“只认人勿认衣裳”个选择之苦，干脆就六亲勿认伐！
诵读：漫真——————————————————
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
预览时标签不可点收录于合集#个上一篇下一篇